VISITA AO SALÓN OTAKU

O pasado finde desfrutamos dun día moi especial na Coruña, con variedade de actividades, produtos, obradoiros e charlas relativas ao mundo do cosplay, o manga e o anime, xunto cunha morea de persoas cos mesmos intereses que nós. Unha gran oportunidade para ampliar as nosas actividades do club de lectura e un día de convivencia «extraescolar» moi divertido e ilusionante.

Seguimos ampliando horizontes no noso club! MATA NEEEE !!!!

DESPEDIDA DA PROFE LARA

Desde hai uns meses, a profe en prácticas Lara asistiu ás nosas sesións do Club de Lectura de Manga, nesta ocasión foi a dinamizadora da sesión e agradecemos a súa participación, consellos e dispoñibilidade. Ata pronto profe!!!! Boa sorte!!!

REUNIÓN CLUB DE MANGA ABRIL

Esta vez na xuntanza estivo con nós a profesora en prácticas Lara, o grupo foi crecendo cunha grande participación. En primeiro plano podedes ver o recuncho dos Clubs.

REGRESO DO CLUB DE MANGA

Xa estamos de volta!

O pasado venres volvemos poñer en marcha o Club de Manga. Reunímonos na Biblio coas profes Mabel e Loli Melero, incrementouse o club con máis membros que o curso pasado e viñemos todas e todos con ilusión e moitas ganas de avanzar, tanto, que a proposta deste curso é a creación dun manga colectivo.

Izan de 3º de ESO impartirá uns obradoiros sobre debuxo de manga nas nosas reunións e entre todas e todos elaboraremos a historia ilustrada.

Na xuntanza falamos de series, das últimas lecturas do verán, de novas coleccións, dos últimos animes editados e fixemos un montón de plans, entre outros, que o noso manga vai ser publicado por entregas no noso Blog, si, como as novelas decimonónicas.

Desexamos que gustedes e desfrutedes tanto coma nós, e estamos abertas e abertos a calquera proposta, e, por suposto á vosa colaboración e intervención.

Se estades interesadas/interesados en participar neste taller creativo de manga, xa sabedes, na Biblio atoparedes información, ou podedes falar coa profe Mabel.

Vémonos axiña.

PECHE DO CURSO E DESPEDIDA DO CLUB DE LECTURA DE MANGA

Rematamos o curso e con el ímonos despedindo das xuntanzas dos clubs, emplazando para o vindeiro os nosos encontros e con moitas novas que estamos a preparar coa colaboración dos participantes. Nestas derradeiras reunións ( por grupos burbulla, xa sabedes) falamos de «Guardianes de la noche» e «Death note», obras que encandilan aos nosos contertulios e das que coñecen moito, tanto versión Manga como Anime. Partillamos tamén sobre autores como : Akira Toriyama, Osamu Tezuka, Naoki Urasawa, Takehiko Inoue…entre outros; e páxinas como «Manga dogs».

Á espera de volvernos ver moi pronto, deixámosvos un post con enderezos de páxinas de Manga gratuitas e desexámosvos unhas felices vacacións.

Que nos esmoreza mangueiras e mangueiros!!!!!

AUMENTA O CLUB DE MANGA

O Club de Manga segue aumentando coa participación de novos membros. A última integración son as alumnas de 4º de ESO Paula e Ariana. Como sabedes por mor do COVID temos que facer as reunións por grupos burbulla, así que esta derradeira xuntanza foi só con elas, pero a familia Manga crece. Benvidas rapazas!!!

NARUTO

Déixovos uns episodios de Naruto. Que disfrutedes!!!!

COMENZA O CLUB DE LECTURA DE MANGA

Asistimos ao primeiro encontro do Club de lectura de Manga, dentro do Proxecto da Biblioteca. Os membros do club, que por mor do COVID reúnense por clases, disertaron coa axuda de Izan, alumno de terceiro, sobre as aportacións do Manga ás súas vidas, os valores que extraen da súa lectura e a amenidade das historias. Cunha grande implicación amosaron o coñecemento que posúen sobre o xénero.