DÍA INTERNACIONAL DOS DEREITOS DOS NENOS

Na Biblio lembramos o Día Internacional dos Dereitos dos Nenos cunha selección de libros que fan fincapé na infancia e os dereitos de todas e todos a ser iguais e vivir como nenos.

COMENZO DO CLUB DE LECTURAS ROMÁNTICAS

Este mes comenza a andaina dun novo Club, O Club de Lecturas Románticas, que abrangue tamén ao Club de wattpad e a todas e todos os namorados deste tipo de xéneros.

Benvidas e benvidos! agardamos a vosas valiosas aportacións na compaña da profe Rosa de E. I., porque a Biblioteca é de todas e todos e temos moito que aportar, aprender e ensinar.

VISITA AO SALÓN OTAKU

O pasado finde desfrutamos dun día moi especial na Coruña, con variedade de actividades, produtos, obradoiros e charlas relativas ao mundo do cosplay, o manga e o anime, xunto cunha morea de persoas cos mesmos intereses que nós. Unha gran oportunidade para ampliar as nosas actividades do club de lectura e un día de convivencia «extraescolar» moi divertido e ilusionante.

Seguimos ampliando horizontes no noso club! MATA NEEEE !!!!

E-ELBE.2. LECTURA DIXITAL PARA AS BIBLIOTECAS ESCOLARES  E FAMILIAS

E-ELBE 2. é un novo servizo co que contamos as bibliotecas escolares dos centros educativos galegos de titularidade da Consellería, integrados no PLAMBE. Trátase dunha plataforma de lectura e préstamo de contidos dixitais que enriquecerá as coleccións da biblioteca con variedade de formatos (libros, audiolibros, podcast e outros) en todo tipo de dispositivos (computador, dispositivos móbiles), en calquera momento e lugar, online e offline, para todos os usuarios (profesorado, alumnado e familias) que conten co carnet de usuarios das bibliotecas escolares.

Podemos acceder á plataforma desde este blog (CATÁLOGOS- PRÉSTAMO DIXITAL). Realizaremos a nosa procura mediante o botón de Vista previa, onde podemos acceder ás primeiras páxinas dos títulos para facernos unha idea antes de decidirnos a coller en préstamo. Esta previsualización pode realizarse sen necesidade de estar autenticado na plataforma.

Unha vez nos decidimos por un título en particular, poderemos obter a lectura co contrasinal persoal que  temos que solicitar na biblioteca do cole. Cada alumno/a poderá obter un préstamo simultáneo de dous títulos e un total de 10 durante o curso, así como as familias e profesorado.

Esperamos que disfrutedes das lecturas dixitais máis variadas e actualizadas!

VISITA INESPERADA

Hei! Psst! mirade o que atopamos na nosa Biblio!

Unha morea de entes e seres estraños inundaron a estancia e ollaron nos libros. Uhhh! pero que está pasando?

Preguntamos por aí e o alumnado de Infantil e Primaria déunos a resposta, claro, estamos perto do 31 de outubro, data na que se abren as portas do alén e os seres doutros mundos mistúranse con nós para compartir os nosos divertimentos e afeccións.

Como non ían vir á biblio e ver o que tan alegremente facemos todos os días? tiñan curiosidade de saber por que o pasamos tan ben e que se agacha neses obxectos que lemos tan entusiastamente, os libros, onde viron que tamén falan sobre eles. Por que? Porque esta data é o Samaín «Samaín, Samaín, Samaín… ouhhhhh», desfrutemos da festa, do solsticio de inverno e das visitas inesperadas, porque a maxia tamén entrou na nosa Biblio!!!!

Feliz e divertido Samaín!!!! ouh ouh ouh!

OBRADOIRO DE CONTOS DO SAMAÍN

O alumnado de Primaria realizamos un Obradoiro de contos co gallo da celebración do Samaín ( Halloween en inglés). As actividades desenvolvéronse na Biblioteca.

Primeiro visualizamos unha curta de animación de Halloween.
Despois creamos un conto cada un de nós, ilustrándoo a través dun video titorial que nos ensinou como debuxar un monstro.
Xuntamos todos os contos e creamos un libro de contos curtos para Samaín.

Agardamos que vos goste!!!! Feliz e terrorífico Samaín!!!!!!

RECREOS DE PRIMARIA

Así pasa os recreos en mañáns chuviñentas o alumnado de Primaria. E que chova!!!!!

A CORCHEIRA DA BIBLIO ESTÁ QUE ARDE!!

Como cada tempada, anunciamos novidades na corcheira da entrada ao cole que nos leva á biblioteca. Antía, de 3ºESO prepara os seus marabillosos carteis coas novidades dos clubs de lectura, este ano, ademais do «Club de misterio e terror» e o «Club de Manga», ampliamos cos de «Vídeo(xogos)» e «Lecturas románticas». Non volo perdades!

NOVO CLUB DE LECTURA DE VÍDEO(XOGOS)

Hoxe comezamos coa primeira reunión do Club de lectura de vídeo(xogos) e foi unha experiencia moi interesante!!

A temática que tratamos xirou en torno aos libros «Five nights at Freddy´s», baseados nunha serie de videoxogos de terror creada por Scott Cawthon e centrada na historia dun restaurante chamado «Freddy Fazbear´s», pero hai moitas teorías para discutir e imaxinar….

SOMOS VIGO

O proxecto do cole este ano lévanos a investigar sobre os libros que contan historias ambientadas na nosa cidade… descobre o «Mapa Literario de Vigo» na nosa zona: «Liña Cabral-Lavadores»… alguén dixo medo?