Ao alumnado de 3º de Primaria, tras coñecer e traballar cos xéneros literarios nas clases de lingua castelá, chegoulle a quenda do Teatro, e para realizar unha aprendizaxe significativa globalizada (narración, descrición, diálogo, vocabulario, ortografía, gramática…) achegáronse á Biblio para se converteren en creadoras e creadores das obras teatrais de seu aplicando os procedementos e elementos aprendidos na materia. En pequenos grupos e en torno a diferentes Centros de Interese como A Escola, A familia, Seres fantásticos, Animais, etc. van concibir diversos universos dramáticos para ser representados a través de distintas técnicas, como a música, o movemento, a mímica… e desenvolver así a aprendizaxe amais de pasar momentos, moi, moi, divertidos.
