A nosa biblioteca “Poza das verbas” recibiu a presentación, para as familias do Colexio, do primeiro libro escrito e publicado polo noso Orientador, Alejandro Vaghetti Jou, titulado “Relativa Mente”.
Na exposición da obra, presentada por Diego Sanmartín, gozamos da lectura dalgúns dos marabillosos textos, dos que consta o compendio de microrrelatos, na voz de nais de alumn@s e de compañeiras e compañeiros do autor presentes na sala, entre el@s Germán Pintos, profesor de Educación Plástica e ilustrador dun dos relatos. A sesión complementouse con perfomances visuais e musicais que acompañaron as lecturas, exposición dalgunhas das ilustracións do libro, sorteo de agasallos e un saboroso café literario compartido c@s participantes no evento.
Todo un goce literario e desfrute artístico, que, con esta fantástica e orixinal obra de minificción, inaugura as actividades deste Mes do Libro no centro.
