NOVAS

Descubre todas as actividades e suxerencias literarias propostas dende o Servizo de Biblioteca

CLUB DE LECTURA MANGA

Neste club de lectura convidamos aos máis novos a introducirse no mundo do Manga a través da lectura e o debate dos títulos máis salientables do panorama da historieta xaponesa.

THE DARKEST HOUR BOOK CLUB

"A hora máis escura chega antes do amencer dun novo día"

Frases Célebres


Tablón de Actividades


PROXECTO GRÚAS

O equipo de Biblioteca artellou unha actividade titulada «As mil grúas de papel», consistiu na realización de mil grúas de origami para pedir a paz seguindo a lenda xaponesa.

Que significa a lenda das mil grúas? Segundo unha lenda xaponesa, o teu maior desexo farase realidade se constrúes mil grúas de papel. A consigna de crear grúas de papel na loita pola paz, remóntase á historia dunha das pequenas vítimas da bomba de Hiroshima durante a Segunda Guerra Mundial, a historia de Sadako Sasaki (1943-1955), unha nena xaponesa que desexou curarse da súa enfermidade producida pola radiación da bomba atómica que caeu sobre Hiroshima. Así as mil grúas de origami convertéronse nun emblema da paz e representa: o desexo de curarse.

VERME

O derradeiro luns, o alumnado de 1º e 2º de Primaria recibimos a visita dos ilustradores Fernández & González, autores do álbume ilustrado VERME da editorial Kalandraka.

Recoñecedes a algún?, si, é o profe Germán, que imparte Educación Plástica e Visual na ESO.

VERME é un libro-xogo para fomentar a atención, o maxín e a diversión.

Expricáronnos como se fai un libro, a parte que realizou cada un e algunhas anécdotas.

Ademais, entre todas e todos , fixemos un gran mural que agora decora o corredoiro das nosas aulas.

Velaí nos tendes.

MUNDO DE POEMAS

Co gallo da celebración do Día das Letras Galegas e da man da Editorial Galaxia, a Biblioteca proponvos unha morea de actividades entorno a figura do autor homenaxeado este ano, Florencio Delgado Gurriarán, e a poesía. Enderezos que vos van axudar a adentrarvos no mundo da poesía, xogar cos poemas, coas palabras, pasar momentos divertidos e crear a vosa obra. Esperamos as vosas achegas.

TRABALLO DE PRIMEIRO DE PRIMARIA

O alumnado de 1º estiveron personalizando os seus marcapáxinas, co gallo da celebración do Día do Libro, na Biblioteca, mirade que bonitos!!! A sesión concluiu cun contacontos por parte da súa titora, a profe Pili, lecturas que nos fan reflexionar, comprender e respectar as diferencias desas compañeiras e compañeiros con autismo, diferentes, pero iguais. Unha sesión «moi chuli».

RECREOS MÁIS DIVERTIDOS

O alumnado do centro, en xeral, escolle a Biblioteca como espazo para pasar momentos de lecer nos recreos, incluso con bo tempo, así de ben o pasan, aquí tendes aos de 3º da ESO, xogando, e tamén procurando e lendo algunhas das recomendacións de lectura feitas polo alumnado de 5º de Primaria, que teñen o seu propio taboleiro.

SEMANA MATEMÁTICA

Tivemos na Biblioteca unha semana dedicada ás Matemáticas cuns obradoiros polos que pasou todo o alumnado do centro e de tódalas etapas: Infantil, Primaria e Secundaria. Os obradoiros estiveron adaptados a cada idade e foi un proxecto transversal de centro a través da Biblioteca escolar.

Déixovos o video neste enlace: https://fb.watch/c1hbVXf8Yq/

NOVA XUNTANZA DO CLUB MANGA

Nos días do Entroido celebramos unha nova reunión do club, esta vez para poñernos ao día das últimas lecturas e novidades da Biblio, desfrutar dos disfraces e de momentos agradables na tertulia. Achegáronse novos compañeiros e profes en práctica á nosa xuntanza e partillaron connosco a súa visón do manga e anime.

OBRADOIRO DE MANGA

O pasado martes, en horario extraescolar, comenzamos o Obradoiro de Manga impartido por Izan de 4º da ESO e ao que asistiron alumnas de 2º e 3º de ESO.

Esta semana comenzamos coas extremidades superiores e inferiores e os movementos das mesmas, amais dunha ampla visión do corpo e como se artella para facer unha viñeta tendo en conta as dimensións de espazo publicable.

OS RECREOS DE 1º DA ESO

Ultimamente o alumnado de 1º gosta de desfrutar os recreos na Biblioteca. Uns len, outros escriben, os máis estudosos e estudosas aproveitan para porse ao día, e as dichanacheiras divírtense no escenario.

XESTIÓN TÉCNICA E ORGANIZACIÓN DA BIBLIO COA CDU

Teredes observado que na Biblioteca ten habido moitos cambios, algúns corresponden á xestión técnica e organización coa CDU. Na nosa biblio é prioritario o uso da Clasificación Decimal Universal na xestión e organización dos fondos, para que o alumnado obteña unha autonomía clave no seu futuro como cidadáns activos na sociedade, estudos e ámbitos profesionais. Así, seguindo as pautas da UNESCO e Bibliotecas escolares de Galicia, saberedes desenvolvervos de maneira eficiente en calquera Biblioteca do mundo. 

MELLORA E DINAMIZACIÓN DA BIBLIO

Continuamos co traballo en proceso na biblioteca coa chegada de novos mobles.

Unha Biblio cada vez máis inclusiva coa axuda e aportación de todas e todos, alumnado e profesorado, nesta ocasión o alumnado de 4º da ESO fixo un gran traballo, sen a súa colaboración en transporte, desmonte, montaxe e ordenación de libros o proceso demoraría un pouco máis.

Grazas chicas e chicos pola vosa desinteresada e valiosa colaboración!!!!

Deixámosvos unha galería de imaxes nas que se reflicte o traballo que se está a realizar. «Unha imaxe vale máis que mil palabras».

XUNTANZA DO CLUB MANGA

Na derradeira reunión do Club estivemos falando sobre os diferentes tipos de manga, a súa adecuación ás distintas idades e gustos lectores.

Así mesmo artellouse o Obradoiro de Manga e Ízan déunos unha visión histórica das orixes do xénero. Coma sempre un tempo moi agradable onde participamos tod@s.

Déixovos unha reportaxe fotográfica.

SEGUNDA XUNTANZA DO CLUB WATTPAD

As wattpadeiras xuntáronse de novo para falar das súas novelas favoritas na plataforma e aproveitamos que temos moitas delas en papel para penetrar nas súas páxinas de xeito tradicional.

Unha das novelas tratadas é «A través de mi ventana», obra que imos ler todas e comentar en profundidade á volta das vacacións.

Argallamos tamén un obradoiro de creación literaria, Jeyssin de 3º da ESO creou un enderezo nunha plataforma para que poidamos escribir alí, se te animas podes falar con ela para inscribirte, neste club non só lemos, tamén vivimos a literatura de forma creativa, e é unha fiestra para amosar as nosas obras, que de seguro teñen moito valor.

Esperámoste novo ou nova creador/ creadora, este é o teu club!!!!

O PAPAGAIO

Xa chegou a suscrición de «O Papagaio» á nosa Biblio. É un xornal para xente miúda de periodicidade mensual. Alumnas e alumnos de 2º de ESO foron os primeiros en desfrutar e mergullar nas súas páxinas. Anímaste?

Pois xa dispós de exemplares na túa Biblio favorita!!!

THE DARKEST HOUR BOOK CLUB

A última xuntanza do club versou sobre «O diario de Anne Frank». O alumnado, xunto co profe Diego, repasaron os momentos máis salientables da obra e fixeron unha viaxe virtual polos espazos onde se agacharon Ana e a súa familia, amais de afondar na súa personalidade e na época. Déixovos enlaces para que indaguedes en tan interesante historia e na época na que aconteceu e discorreu a historia de Anne, e tamén unha peli de animación sobre ela.

https://www.annefrank.ch/en

https://www.annefrank.org/es/ana-frank/la-casa-de-atras/

ESTREA DE CROMA

Co gallo do proxecto deste curso escolar «Un curso de cine» a nosa Biblio complétase cun Croma que estrearon as alumnas e alumnos de 3º de Primaria.

COMO IMAXINAS TI AS ILLAS CÍES?

O alumnado de 2º e 3º de Primaria están a traballar nun proxecto de coñecemento das Illas Cíes por mor dun concurso no que participan colexios de Vigo en colaboración co «Faro de Vigo».

Os profesores Lara e Diego están a grabar unhas entrevistas ao seu alumnado sobre a súa idea das Illas Cíes, no presente, pero tamén como imaxinan o seu pasado e o seu futuro.

A nosa Biblio é o escenario e tamén o lugar escollido para a práctica de lectura.

NOVOS FONDOS

Hai uns días chegaron os novos fondos bibliográficos, fundamentalmente para responder á demanda dos clubs de Lectura. Podedes achegarvos e desfrutar das novidades. A divertirse!!!!

OS RECREOS SON DIFERENTES

A Biblioteca converteuse nun lugar de lecer no tempo de recreo, aí podemos atopar xogos, lecturas, facer tarefas e conversar en voz baixa.

O alumnado desfruta deste espazo que se vén vindo máis acolledor cada día co novo mobiliario.

REGRESO DO CLUB DE MANGA

Xa estamos de volta!

O pasado venres volvemos poñer en marcha o Club de Manga. Reunímonos na Biblio coas profes Mabel e Loli Melero, incrementouse o club con máis membros que o curso pasado e viñemos todas e todos con ilusión e moitas ganas de avanzar, tanto, que a proposta deste curso é a creación dun manga colectivo.

Izan de 3º de ESO impartirá uns obradoiros sobre debuxo de manga nas nosas reunións e entre todas e todos elaboraremos a historia ilustrada.

Na xuntanza falamos de series, das últimas lecturas do verán, de novas coleccións, dos últimos animes editados e fixemos un montón de plans, entre outros, que o noso manga vai ser publicado por entregas no noso Blog, si, como as novelas decimonónicas.

Desexamos que gustedes e desfrutedes tanto coma nós, e estamos abertas e abertos a calquera proposta, e, por suposto á vosa colaboración e intervención.

Se estades interesadas/interesados en participar neste taller creativo de manga, xa sabedes, na Biblio atoparedes información, ou podedes falar coa profe Mabel.

Vémonos axiña.

A BIBLIO LUGAR DE ENCONTRO E LECER

Pouco a pouco a nosa Biblio vaise convertendo nun lugar de encontro, estudo, traballo e no que gusta estar.

Como sabedes temos turnos de estadía por mor das restricións, así que cada día tócalle a un grupo burbulla. Compartimos fotos do recreo de 1º da ESO que prefiren pasalo na Biblio lendo, compartindo e traballando.

Consultan libros, realizan actividades, procuran información, demandan préstamos e tamén comentan e recoméndanse lecturas.

Grazas chicas e chicos pola vosa inestimable colaboración, e, sobre todo, pola vosa ilusión que é a nosa.

RODAXE DO VIDEO COLABORATIVO «A MOCIDADE VIGUESA CONTRA A VIOLENCIA SEXUAL»

O pasado luns tivo lugar na nosa Biblio unha rodaxe na que participou alumnado de 4° ESO.

Trátase dun video colaborativo realizado coa participación de alumnado de centros de ensino de secundaria de Vigo e titulado «A mocidade viguesa contra a violencia sexual», enmarcado dentro do Programa «Enlaza Vigo» organizado pola Concelleria de Igualdade do Concello de Vigo.

O video salienta a idea da mocidade viguesa contra a escalada da violencia de xénero e trata a Historia de Pepa e Pepe baseado no relato de Carmen Ruíz Repollo.

Déixovos o enlace ao programa por se queredes saber máis sobre el, o vídeo da «Historia de Pepe e Pepa» dirixida ao alumnado de 3º e 4º da ESO, e unhas fotos dos compañeiros e compañeiras rodando. Proximamente poderemos ver o seu vídeo.

http://www.enlazavigo.org/ ; https://youtu.be/BntnKm-MokE

EXPOSICIÓN NA BIBLIO

Do 29 de Outubro ao 5 de Novembro, co gallo da conmemoración do Día Internacional contra a Violencia de Xénero, o 25 de novembro de cada ano, a nosa Biblio gozou da exposición itinerante Enlaza Vigo, «A mocidade viguesa contra a escalada da violencia de xénero».

Unha iniciativa do Consello Municipal da Muller e da Concellería de Igualdade de Vigo para esixir a todos os poderes públicos e á sociedade en xeral un compromiso real contra a violencia de xénero, por mor de concienciar e sensibilizar á sociedade sobre a violencia que se exerce contra as mulleres, e á mocidade en particular, para conseguir que as novas xeracións se impliquen activamente para construír unha sociedade máis xusta e igualitaria para todas e todos. 

Esta iniciativa, que se leva a cabo desde o 2011, conta coa colaboración e participación dos centros educativos vigueses na realización dun tapiz virtual que se expón polos centros de ensino, realizado por alumnado de 3º e 4º de ESO, Bacharelato e FP, e co que o noso centro colaborou co eslogan «Controlar non é amar» que aparece nun dos paneis.

A exposición seguirá a expoñerse noutros centros da cidade e vías públicas, pero o noso alumnado, e as familias que o desexaron, puideron facer unha visita guiada pola nosa Biblio para ver os paneis informativos e sumarse a tan fermosa e necesaria iniciativa.

NOVA TEMPADA DO CLUB THE DARKEST HOUR BOOK CLUB

Hoxe comenzamos, de novo da man do Profe Diego, unha nova tempada. Alumnas e alumnos da ESO participaron neste primeiro encontro do curso.

Houbo unha achega aos libros máis interesantes que recollen os momentos clave da Historia recente, a Segunda Guerra Mundial, un tema apaixoante e que ten milleiros de seguidores en todo o mundo.

Obras como: «El niño con el pijama de rayas», «El diario de Ana Frank», «Un saco de canicas», «La ladrona de libros» «La bibliotecaria de Auschwitz» (donado polo profe Héctor) ou «Mouse» son os títulos sobre os que versará o Club este curso.

Achegámosvos unhas fotos do encontro.

E xa sabes, se gustas da Historia, e da Segunda Guerra Mundial, aquí tes o teu espazo. Anímate!! Contamos contigo!

CLUB WATTPAD

O pasado venres comenzamos a andaina do Club Wattpad.

Alumnas de 1º, 2º e 3º de ESO reuníronse na Biblio para compartir as súas experiencias coas lecturas na aplicación. Comentamos as obras favoritas, as autoras e autores máis seguidos e destacados na app, e tamén compartimos as lecturas e os aspectos máis salientables de textos de creación propia das participantes.

Un dos obxectivos do Club é que compartades con nós a vosa obra, os vosos relatos e creacións, e tamén que participemos das vosas series favoritas a través de lecturas guiadas por vós mesmas e a inmersión no voso mundo literario que de seguro atopará afinidade coas compañeiras e compañeiros. Amais de convidarnos a novas lecturas e historias de moita aceptación na rede, e outras que non tanto e imos descubrir.

Se aínda non coñeces a aplicación déixoche aquí un link.

https://www.wattpad.com/stories/online/hot?locale=es_ES

Se che gusta ler, se es romántica ou romántico, se gustas das aventuras fantásticas, se es soñadora ou soñador, se amas a fantasía e ademais queres falar das túas obras e autores favoritos, escribes marabillosos relatos ou simplemente queres pasar un rato agradable falando do que che apaixona e coñecendo máis con persoas coas que non compartes polo miúdo, ven ao noso club, aí tes un lugar para sentirte ben e participar, para ser ti mesma/mesmo.

Agardámoste!!!!!

COMENZAMOS COS CLUBS DE LECTURA

Imos dar comenzo ás reunións dos Clubs de Lectura de Primaria e Secundaria.

Aquí vos deixamos a ficha de inscrición. Se queredes inscribirvos podedes descargar e imprimir o documento e cubrilo para ser entregado na Biblio, se non, tamén podedes pasar pola Biblio, no recreo, e aí vola daremos en papel para unirvos ao Club que vos apeteza, tamén podedes participar en varios.

Non perdades tempo, teremos moitas sorpresas e pasarémolo moi moi ben.

Esperámosvos!!!!!

XOGOS E DIVERSIÓN DO ALUMNADO DE 4 ANOS

Os nosos pequechos de 4 anos, xunto coa profe Gloria, pasaron unhas horas facendo uso e desfrutando dos recunchos de xogos e os libros da nosa Biblio.

Tras unha visita guiada polas estanterías, recoñecendo espazos e coñecendo o mundo da Literatura, sentaron no recuncho habilitado para xogos e Literatura infantil.

Desfrutaron de libros-escenario, de construcións, xogos tradicionais e tamén das explicacións da profe que os guiou cara a ese mundo marabilloso da literatura infantil, a lectura e o xogo que tanto gustan de desfrutar acotío.

Un espazo diferente ao da aula que fixo que a xornada escolar fora diferente, amena e divertida.

Benvidas e benvidos!!!

Desexamos que a Biblio sexa o voso recuncho favorito e vervos polo miúdo.

Temos unha morea de novidades para vós.

Esperámosvos de novo!!!!!!!!

Hai uns amiguiños que están desexosos de vervos!!!!!!!!!!

VISITA DA PATRULLA CANINA

Ryder e os seus amigos: Marshall, Zuma, Chase, Rubble, Rocky, Everest, e Skay decidiron que o mellor sitio para pasar unha tempada era a nosa Biblio, e aquí os temos.

Nun curso adicado ao cine, a nosa Biblio non podía ser allea a semellante acontecer, e que mellor que pasar un rato divertido coa Patrulla Canina?

Podedes pasar pola Biblio e facer un fotocol cos nosos amigos, están esperando por vós. Ides perder a ocasión?

Agardámosvos!!!!!

A BIBLIO CRECE

Esta semana achegáronse alumnas e alumnos de 1º de ESO á Biblio e experimentaron o divertido que é pasar un rato nese marabilloso espazo que estamos creando entre todas e todos.

A nosa compañeira HADASSA fixo unha donación moi interesante.

Grazas Adhassa pola túa aportación!!!!!

Tamén a Profe Pilar, a Xefa de Estudos, fixo aportacións. Grazas a todas!

Coa vosa colaboración a nosa Biblio Inclusiva crece.

O ALUMNADO DE INFANTIL DE VISITA POLA BIBLIO

O alumnado de E. I., acompañados pola Profe Rosa, fixéronnos unha visita.

Quedaron abraiados ao veren tantos libros, recunchos, mesas e cadeiras axeitadas ao seu tamaño, libros en cestos… pero, e sobre todo, o recuncho de exposición de libros escenario. Ver en vivo case sairen das páxinas dos libros sendos dinosauros, impacta.

Desfrutaron de ver, tocar, investigar, bulir polas estanterías, e escoitaron as explicacións da profesora, aprenderon a utilidade de cada sección, compartiron risas e xogos no recuncho de xogos e pasaron un rato moi divertido.

E coma non!!! Recibiron o seu carné da Biblioteca.

Pero sabedes unha cousa pequechos?

Ninguén máis feliz ca nós de termos recibido a vosa agradable visita, unha honra e un pracer que esperamos desfrutar acotío.

Graciñas pola visita chicos e profe!!!

VISITA DO ALUMNADO DA ESO

Alumnas e alumnos de 2º e 3º da ESO visitaron a Biblio na procura de libros de lectura en lingua galega.

A escolla permitiulles ollar moitas portadas e contraportadas, acercarse a moitos autores e autoras, moitos argumentos e novelas moi interesantes axeitadas á súa idade e gustos, amais de descubrir o fondo tan importante que temos na lingua de noso.

COLABORANDO!!

As nosas compañeiras do Club de lectura de Manga puxéronse mans á obra na tarefa de axudar cos carteis indicativos, aí as tendes felices e envorcadas no labor creativo.

E ti, apúntaste?

Seguro que tes unha cualidade da que poderemos desfrutar todos nós!!!

ESTE CURSO ESTREAMOS BIBLIOTECA!

Ola a todas e todos!

Este curso estamos de parabéns!

Estreamos a nova Biblio con moitas novidades, novos fondos, novos clubs, novos colaboradores, moita participación, moita ilusión e moita alegría.

Comenzamos o día 1 de Outubro e xa tivemos marabillosas visitas, procura de libros, e trasfega de alumnado polas estanterías.

Mais … aínda faltas ti.

A que esperas para unirte con nós nesta nova aventura?

Bótalle un ollo á Biblio, dá un paseo polas instalacións, infórmate dos nosos clubs, este curso teremos, entre outros, o Club Wattpad, estrea de clubs en 5º e 6º de Primaria, un de Misterio en Secundaria e manteremos os do curso pasado que tantas satisfaccións nos deron.

Contamos contigo!

Achégate á Biblio, agardámoste!

E lembra que temos que seguir a normativa Covid.

Vémonos axiña!!!!!!

DERRADEIRA XUNTANZA DO CLUB THE DARKEST HOUR BOOK CLUB

Como os demais clubs poñemos punto e final ata o vindeiro curso ao «The darkest hour club». Esta vez a xuntanza xirou en torno a dúas obras «A ladroa de libros» e a novela gráfica «Maus», este último na lingua orixinal, o inglés.

Os contertulios falaron das súas impresións sobre as obras, orientados, coma sempre, polo profe Diego, e achegáronnos unha visión do que sufriron tamén os propios alemáns non nazis ou comunistas, no caso de «Maus» un comunista polaco. Concluimos con que o nazismo foi cruel con todo aquel que era ou pensaba diferente.

Hoxe o grupo veuse ampliado con convidadas e convidados de 4º de ESO que se achegaron á aula onde tivo lugar a xuntanza, xa que forman parte do mesmo grupo burbulla, e o profe Héctor. Ao final algúns animáronse a ler algunha destas obras despois de oír sobre elas, e no grupo de Classroom do Club, vanse partillar, no verán, as lecturas e comentarios sobre as mesmas, así como algunhas películas. O entusiasmo contáxiase!

No desenvolvemento deste club ao longo do curso fixemos unha viaxe polos campos de concentración, polas agachadas, polas fuxidas, pola inxustiza, pero sobre todo polos sentimentos humanos e a barbarie da que é quen o ser humano. A finalidade, coñecer a historia, a cal, se non queremos, non estamos condenados a repetir.

Parabéns a todas e todos, e vémonos o curso vindeiro!

O RECUNCHO DOS LIBROS

Queremos agradecer a Antía González de 1º de ESO a súa colaboración cando comezou a andaina do noso «Recuncho dos libros». Tiñamos un soño e Antía reflexouno en imaxes cun cartel moi axeitado, amais de ser unha das más activas colaboradoras e usuarias da Biblio.

Presentámosvos a Antía e deixámosvos o seu cartel que presidiu a nosa entrada este curso.

CONTACONTOS, 3º DE EDUCACIÓN INFANTIL

Dentro das actividades de Biblioteca contamos, como non podía ser menos, con actividades de contacontos e animación á lectura. Estos derradeiros días de curso, desde fai anos, celébrase a Graduación do alumnado de Educación Infantil con varias actividades entre as que se atopa a actividade de Contacontos, realizada pola profesora Mabel de Secundaria.

A rapazada mergúllase no mundo da fantasía acompañados do seu maxín e un libro máxico no que viven os personaxes dos contos que saen partillar con eles as súas historias e aventuras.

Non hai bos nin malos, todo sae ben, todos os finais son felices e todo remata cun «colorín colorado, este conto ten rematado» como a súa estadía en Infantil.

Felices e venturosas aventuras depáravos o futuro. Vento en popa e a toda vela meus!

PECHE DO CURSO E DESPEDIDA DO CLUB DE LECTURA DE MANGA

Rematamos o curso e con el ímonos despedindo das xuntanzas dos clubs, emplazando para o vindeiro os nosos encontros e con moitas novas que estamos a preparar coa colaboración dos participantes. Nestas derradeiras reunións ( por grupos burbulla, xa sabedes) falamos de «Guardianes de la noche» e «Death note», obras que encandilan aos nosos contertulios e das que coñecen moito, tanto versión Manga como Anime. Partillamos tamén sobre autores como : Akira Toriyama, Osamu Tezuka, Naoki Urasawa, Takehiko Inoue…entre outros; e páxinas como «Manga dogs».

Á espera de volvernos ver moi pronto, deixámosvos un post con enderezos de páxinas de Manga gratuitas e desexámosvos unhas felices vacacións.

Que nos esmoreza mangueiras e mangueiros!!!!!

EXIPTO E MESOPOTAMIA

Dous pequenos grupos de voluntarios de 1º de ESO, fixeron unha investigación na Biblioteca sobre os libros relacionados con Exipto e Mesopotamia.

Os grupos achegaron ás compañeiras e compañeiros a súa selección bibliográfica a través dunhas fichas que entregaron ao grupo-clase, e presentaron algúns dos libros, tanto de consulta como de autor, ao resto de compañeiros. Amais da escolma, tamén presentaron as obras e os aspectos máis salientables das mesmas.

Moi interesante a súa perspectiva das lecturas e moi boa escolma!

EDGAR ALLAN POE

Iniciamos o Club coa participación de alumnado de 2º de ESO. Comenzamos coa presentación do autor e un achegamento á súa obra. A profe Irene presentou a Poe a través dun video e introduciunos nas súas achegas á literatura de terror, que el mesmo inaugurou, e do que segue a ser enseña máis ilustre.

Agora comenzamos a lectura dalgúns dos seus relatos para facer unha posta en común na vindeira xuntanza.

Invitámosvos a partillar connosco e desfrutar destas historias que nos adentran no máis profundo da psique humana.

UN SACO DE CANICAS

Hoxe asistimos a unha nova sesión do Club de Lectura «THE DARKEST HOUR BOOK CLUB».

Esta vez o protagonista foi » Un saco de canicas». Libro autobiográfico de Joseph Joffo no que narra as duras circunstancias que viviu de cativo na Francia ocupada.

Tratamos a loita pola supervivencia dun neno xudeu na Francia ocupada polos nazis. O perruqueiro Joffo, un honrado xudeu establecido no París ocupado polos nazis, decide dispersar á súa familia para evitar o cruel e posible destino que lles espera. …

Unha amena e instructiva charla dirixida, de novo, polo profe Diego aos alumnos de 4º de ESO e a todo aquel que quixo achegarse. Coma sempre quedamos cun moi bo sabor de boca e con ganas de repetir.

CLUB O UNIVERSO DE POE

Damos comenzo ao Club » O universo de Poe». Aquí vos deixamos o cartel anunciador. Edgar Allan Poe foi un escritor, poeta, crítico e xornalista romántico​​ estadounidense, xeralmente recoñecido como un dos mestres universais do relato curto, do que foi un dos primeiros practicantes no seu país. Foi renovador da novela gótica, lembrado especialmente polos seus contos de terror. Animádevos!!!!!!

O NENO CO PIXAMA DE RAIAS

O pasado venres o alumnado de 4º de ESO asistiu a outra sesión do Club de Lectura «The Darkest Hour» onde puideron partillar as súas experiencias trala lectura dun novo libro, nesta ocasión «O neno co pixama de raias» do autor irlandés John Boyne.

Os estudantes expresaron que sentimentos lles fixo vivir o libro, salientando a crueldade vivida polos nenos e nenas nas circunstancias narradas na novela.

Posteriormente o profe Diego compartiu con elas e eles dous libros con imaxes reais do campo de concentración de Auschwitz nos que se baseou o autor para a creación da súa obra, e finalmente puideron ver un breve documental filmado por un drone que sobrevoa o infame campo xenocida. Unhas imaxes impactantes para que as novas xeracións non esquezan o que nunca debe volver repetirse.

AUMENTA O CLUB DE MANGA

O Club de Manga segue aumentando coa participación de novos membros. A última integración son as alumnas de 4º de ESO Paula e Ariana. Como sabedes por mor do COVID temos que facer as reunións por grupos burbulla, así que esta derradeira xuntanza foi só con elas, pero a familia Manga crece. Benvidas rapazas!!!

O DIARIO DE ANA FRANK

O pasado venres asistimos á segunda xornada do Club de Lectura » THE DARKEST HOUR BOOK CLUB«

Este día a xuntanza ocupouse da obra » O Diario de Ana Frank». Cada un dos participantes expresou as súas opinións e comentou as súas impresións e conclusións sobre o libro e a súa lectura. O teacher Diego ensinounos, virtualmente, o escenario no que se desenvolve a historia, amais dunha morea de anécdotas sobre Ana Frank, a súa familia e o contexto histórico do Diario.

COMENZO DO CLUB «THE DARKEST HOUR BOOK CLUB»

A pasada semana, durante o recreo, algunhas alumnas e alumnos de 4° de ESO asistiron á xornada inaugural do novo club de lectura do noso Colexio «The darkest hour book club».

Neste club, o alumnado poderá coñecer obras da literatura que recollen un dos períodos históricos clave da Historia recente, a Segunda Guerra Mundial. Para iso escolléronse, entre outros títulos, «O diario de Ana Frank», «A ladroa de libros», e «Un saco de canicas», onde se narran as vivencias de nenos e adolescentes durante o conflito bélico.

Ademais dos libros, o alumnado poderá gozar de varias novelas gráficas, e ao termo da lectura faremos un visionado cinematográfico das adaptacións ao celuloide das obras que leron no club.

A tolerancia, a loita contra os prexuízos e a discriminación serán os valores e o fío condutor das lecturas e do noso club, onde o coloquio aberto entre profesorado e alumnado está sempre garantido.

COMENZA O CLUB DE LECTURA DE MANGA

Asistimos ao primeiro encontro do Club de lectura de Manga, dentro do Proxecto da Biblioteca. Os membros do club, que por mor do COVID reúnense por clases, disertaron coa axuda de Izan, alumno de terceiro, sobre as aportacións do Manga ás súas vidas, os valores que extraen da súa lectura e a amenidade das historias. Cunha grande implicación amosaron o coñecemento que posúen sobre o xénero.